د کندهار دکرنې ریاست؛ کوهکران څېړنیز فارم کې پر بېلابېلو بوټو څېړنې روانې دي
۱۴ غویی ۱۴۰۵ه.ش
۱۷ ذُو ٱلْقَعْدَةِ ۱۴۴۷ه.ق
د کندهار د کرنې، اوبولګولو او مالدارۍ ریاست چارواکي وايي، چې ددې ولایت د کوهکران په څېړنیز فارم کې پربېلابېلو بوټو څېړنې روانې دي، چې په ترڅ کې به یې غوره ورایټۍ بزګرانو ته وروپېژندل شي.
په همدې موخه د کندهار د کرنې رییس مولوی عبدالرشید منیب د کوهکران څېړیز فارم کې له بېلابېلو تجروبو او فعالیتونو څخه لېدنه وکړه.
ددې لیدنې په ترڅ کې د یاد فارم چارواکو په څېړنیز فارم کې د روانوفعالیتونو، تجاربو او په فارم کې د شته ستونزو او لاسته راوړنو په هکله معلومات وړاندې کړل.نوموړې وویل، چې په فارم کې د غله جاتو، سبو، تېلي او صنعتي نباتاتو په لسګونه نوعو څېړنې روانې دي.
د کندهار د کرنې، اوبو لګولو او مالدارۍ رییس مولوی عبدالرشید منیب په څېړنیز فارم کې په روانو فعالیتونو خوښې وښوده او په ځینو برخو کې یي مسؤلینو ته لازمې سپارښتنې وکړې.
کوهکران څېړنیز مرکز جوړېدو څخه تر اوسه دمختلفو نباتاتو لسګونه نوعوکرلو سپارښتنې بزګرانو ته شوي، چې ددې ولایت د اقلیم سره مناسبې او پر حاصله وي.
