د کندهار خاکریز کې پر یوشمېر بېوزله کورنیو د هګیو چرګان ووېشل شول

۱۰ مرغومې ۱۴۰۴ه‍.ش
۱۰ رَجَب المُرَجَّب ۱۴۴۷ه‍.ق
د کندهار د کرنې، اوبو لګولو او مالدارۍ ریاست په هڅو، د اروپایي ټولنې په مالي ملاتړ، د بشري خیریه مؤسسې (او.ایچ.ډبیلو) د کندهار خاکریز ولسوالی کې پر ۴۶ بېوزله او اړمنو کورنیو د هګیو چرګان او د چرګانو خوراکي توکي ووېشل شول.
د کندهار دکرنې ریاست چارواکي وایي، چې په دې مرسته کې هري کورنۍ ته ۳ چرګان، ۲۷ د هګیو چرګي، ۱۵۰ کیلو ګرامه د چرګانو خوراکه، ۳ داني د اوبو لوښي او ۳ داني خوري وېشل شوي دي.
د یادې مرستې موخه د بیوزلو کورنیو ملاتړ، کوچني کورنیو اقتصاد راپورته کول، د بیوزلو کورنیو اقتصاد ته وده او پراختیا ورکول دي.
د یادونې وړ ده، چې درې اوونې وړاندې د همدې مرستي په لړ کې یادو مالدارانو ته د فارم جوړولو لپاره ودانیز او بنسټیز توکي هم وېشل شوې وې.