تورخم کې له پاکستان څخه راوړل کېدونکي ۱۵ ټنه په ناروغۍ ککړ لیمو بېرته واستول شول
۱۹ زمری ۱۴۰۴ هـ.ش
۱۶ صَفَر المُظَفَّر ۱۴۴۷ هـ.ق
د ننګرهار ولایت د کرنې، اوبو لګولو او مالدارۍ ریاست چارواکي وایي چې د تورخم بندر مسوولینو له پاکستان څخه افغانستان ته د ۱۵ ټنه بېکیفیته لیمو د واردېدو مخنیوی کړی دی.
د ننګرهار کرنې، اوبو لګولو او مالدارۍ رییس مولوی محمد ولي محسن وویل، چې دغه لیمو خراب، بېکیفیته او د استفادې وړ نه وو.
د ننګرهار د کرنې رییس مولوي محمد ولي محسن له سوداګرو وغوښتل، چې د اسلامي امارت د اصولو سره سم هېواد ته باکیفیته او صحي سابه او مېوې وارد کړي، څو د خلکو روغتیا له هر ډول خطر څخه خوندي پاتې شي.
تر دې وړاندې هم څو وار تورخم کې بېکیفیته دغه ډول توکي د یاد ریاست له لوري بېرته پاکستان ته مسترد شوي دي.
