ننګرهار کې لسګونو کسانو ته د ځنګلو او څړځایو د ساتنې په موخه روزنه ورکړل شوه

۹ زمری ۱۴۰۴ هـ.ش
۶ صَفَر المُظَفَّر ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست په هڅو او افغانستان لپاره د هالینډ کمېټي په تخنیکي او د اروپایي ټولنې په مالي ملاتړ څلورو ولسوالیو کې ۴۲ تنو ته د ځنګلو او څړځایونو ارزښت او ساتني په موخه روزنه ورکړل شوه.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل: «د هالینډ کمېټې په مرسته د دره نور، سره رود، خوږیاڼو او کوزکونړ ولسوالیو د ترویج، ځنګلاتو مدیرانو، قومي مخورو او میرابانو ته یورځنۍ روزنه ورکړل شوه».
ښاغلي محسن وویل، چې ددې روزنې موخه د ځنګلونو او څړځایونو ساتنه، پالنه او مالدارۍ سکتور پیاوړتیا ده.
دغه راز یادو کسانو ته د ځنګلونو، څړځایونو پر ارزښت، ساتنې، اوبو ښه مدیریت، ضایعاتو مخنیوی، د څارویو لپاره د څړځایونو بیا رغولو او نورو اړونده برخو کې روزنه ورکړل شوه.