د هلمند دکرنې ریاست؛ د طبیعي کبانو د ښکار په تور څو تنه په لښکرګاه کې ونیول شول
د هلمند په ولایت کې د طبیعي کبانو د نسل د خونديتوب په موخه د ښکار د بندیز له نافذېدو وروسته، د کرنې، اوبولګولو او مالدارۍ ریاست د لارښوونې پر بنسټ د عمومي سیندونو او کانالونو څارنه او ارزونه دوام لري.
د همدې لړۍ په دوام، د کرنې ریاست د عامه پوهاوي سره سره، تېره ورځ څو تنه هغه مهال ونیول شول چې په مرکز لښکرګاه کې یې له عمومي سیند څخه د طبیعي کبانو ښکار کاوه.
د طبیعي کبانو ښکار نه یوازې د قانون خلاف عمل دی، بلکې دا چاره د کبانو پر نسل، چاپېریال او د اوبو ژوندیو موجوداتو ته جدي زیان رسوي.
د هلمند د کرنې ریاست له ټولو ښاریانو، کب نیوونکو او اړوندو وګړو هیله کوي، چې د طبیعي سرچینو د ساتنې لپاره له دغه ډول ښکار څخه ډډه وکړي، او که د قانون خلاف کوم فعالیت وویني، له اړوندو ادارو سره یې شریک کړي.
د هلمند دکرنې ریاست هڅه کوي، چې له دې وروسته به هم د قانون تطبیق ته دوام ورکړي او له سرغړوونکو سره به قانوني چلند وشي.
