د ننګرهار وادي کرنیز امارتي شرکت په شاړو ځمکو کې کرنیزې چارې پیل شوې
۱۶ وری ۱۴۰۴ ه.ش
۷ شَوّالُ المُکَرَّم ۱۴۴۶ه.ق
د ننګرهار وادي کرنیز امارتي شرکت قراردادي کرنیزو شرکتونو د یاد شرکت د څلورګونو فارمونو په ځمکو کې د نوو بڼونو او کروندو د جوړولو چارې پيل کړي دي.
له کلونو ځنډ وروسته، د یاد شرکت له لوري د هغو شاړو ځمکو د اصلاح او کرنې ته د چمتو کولو بهیر پیل شوی، چې تر دې مخکې پرې کرکېله نه وه شوې.
ټاکل شوې چې په سلګونه جریبه ځمکه مالټه بڼونه او بېلابېل ډول کښتونه وکرل شي، چې له دې سره به کرنیز محصولات او عواید زیات شي.
