کندهار ډنډ کې لسګونو مالدارانو ته د څارویو متراکمه خوراکه او تخمونه ووېشل شوه
د کندهار د کرنې، اوبو لګولو او مالدارۍ ریاست په هڅه، د اروپایي ټولنې په مالي ملاتړ او د هالنډ کمیټې په تخنیکي همکارۍ د ډنډ ولسوالی ۲۵ تنو اړمنو او بیوزله مالدارانو هر مالدار ته ۵۰ کیلو د څارویو متراکمه خوراکه او ۱۰۰ کیلو د وربشو اصلاح شوې تخمونه ووېشل شوه.
د دې مرستې موخه د مالدارانو اقتصادي ملاتړ، د هغوی لپاره د مالدارۍ اړینې اسانتیاوې برابرول، د هغوی اقتصادي وضعیت ښه کول، او د مالدارۍ اړتیاوو پوره کول دي، ترڅو مالداران وکولای شي له دې مرستې څخه ګټه پورته کړي او تر یوه حده نغدې عاید ترلاسه کړي.
د یادونې وړ ده، چې څه کم یوه میاشت وړاندې دغو مالدارانو ته بلاربې وې هم وېشل شوې وې، او اوس هر مالدار سره د تخمونو او څارویو خوراکي مرسته ترسره شوه.
