د هلمند ولایت مرکز لښکرګاه ښار کې یوشمېر قصابۍ وڅارل شوې
۴ کب ۱۴۰۳ه.ش
۲۳ شَعبان المُعَظّم ۱۴۴۶ه.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ خدمتونو او څارويو روغتيا امریت مسلکي کارمندانو لخوا مرکز لښکرګاه ښار کې له یو شمېر قصابیو څخه څارنه او ارزونه ترسره شوه.
دیادې څارنې په ترڅ کې د قصابیو د غوښو ارزونه وشوه او دغه راز قصابانو ته ځانګړې لارښودنې او توصیې وشوې.
د دغې څارنې او ارزونې موخه د خرابو او غیر صحي غوښو د پلور مخنیوی، د قصابیو لا ښه تنظیم، د حفظ الصحې مراعتول او اړونده قصابانو ته په مسلخ (مذبح) کې د څارویو د حلالولو توصیه ده.
ددې څارنې په ترڅ کې دغه راز د کرنې ادارې مسلکي کارکوونکو لخوا د قصابیو اړوندو هټیوالو ته په بېلابېلو برخو کې مسلکي او اړینې سپارښتنې وشوې.
