میکانیزه کرکیلې په پار هڅې: هلمند کې لسگونو بزګرانو ته د جوارو د کتاري کرنې ماشینونه ووېشل شول
۱۶ تله ۱۴۰۳ه.ش
۴ رَبِیعُ الْثاني ۱۴۴۶ه.ق
د هلمند ولایت د کرنې، اوبولګولو او مالدارۍ ریاست د کرنیزو چارو آمریت له خوا، ۵۰ بزګرانو ته د یو ورځني روزنیز پروګرام تر پای ته رسېدو وروسته، د جوارو د کتاری کرنې ۵۰ ماشینونه ووېشل شول.
په دې اړوند جوړه شوې غونډه کې، د کرنیزو چارو آمر احمد محب وویل: په دې پروسه کې د لښکرګاه ښار د ۸ حوزو بزګران شامل دي، چې دا ماشینونه به د جوارو د کتاري کرنې په برخه کې وکاروي.
یادې مرستې د "ځنځیري ارزښت" مؤسسې په مالي همکارۍ برابرې شوې دي، چې موخه یې په بزګرانو کې د نوې کرنې ترویج او د کرنیزو چارو په برخه کې نوښتونه او ښه‌والی راوستل دي.
