هلمند کې د سویابینو حاصلاتو راټولولو لړۍ پیل شو

۲۹ تله ۱۳۹۸
د هلمند د کرنې، اوبولګولو او مالدارۍ ریاست د تغذیې او زده کړې نړیوالې موسسې «NEI» په همکارۍ ددې ولایت د مرکز لښکرګاه، ناوې، نادعلي او نهرسراج ولسوالۍ پر یوشمېر بزګرانو د سویابینو اصلاح شوي تخمونه وېشلي و او د یاد سیمو په شاخوا ۳۵۰ جریبه ځمکه کې سویابین کرل شوي، چې دا مهال یې د حاصلاتو راټولولو لړۍ پیل شوې ده.
تر دې وړاندې هم د هلمند د کرنې ریاست لخوا هلمند کې په ۵۵۰ جریبه ځمکه کې سویابین کرل شوي وه، چې بزګرو ورڅخه د قناعت وړ حاصلات ترلاسه کړل.
څېړنو ښودلې چې هلمند ولایت کې دسویابینو کښت ښه حاصل ورکوي.
د هلمند د کرنې ریاست هڅه کوي، چې هلمند کې سویابین ترویج کړي او تر راتلونکو دوو کلونو پورې دالړۍ نوره هم وغځوی او د ولایت په کچه ترې ټول ځمکوال برخمن کړي.
سویابین بشپړه پروتیني او مغذي مواد لري او د کورنیو په روغتیا په ځانګړي ډول د ماشومانو د خوارځواکۍ په مخنیوی کې رغنده رول لري.