کاپیسا کې د ځمکې غصب او غصب شويو ځمکو بېرته راکرځولو کمېټې غونډه دائره شوه

کاپیسا کې د ځمکې غصب او غصب شويو ځمکو بېرته راکرځولو کمېټې غړو د کاپیسا مرستیال والي شیخ اسدالله سنان په مشرۍ ددې ولایت په مقام کې خپله غونډه دائره کړه.
د غونډې په پيل کې د کاپیسا مرستیال والي شیخ اسدالله سنان لارښوونکې وينا ويلو ترڅنګ د تېرو غونډو دپریکړو دتطبيق ارزونه وکړه او د کاپیسا ولایت د تخنیکي کمېټې هلې ځلې او فعالیتونه یې وستایل.
د کاپیسا مرستیال والي وویل: «د امیرالمؤمنین حفظ الله د حکم پر اساس خپلو کړنو او فعالیتونو ته دوام ورکړئ، ترڅو ټولې هغه امارتي ځمکې چې د غاصبینو په ولکه کې دي او یایې څوک کوښښ دغصب کوی تېرته استرداد او تعلق یې تر امارته وی او غاصبین یې د قانون منګُلو ته وسپارئ.»
په همدې حال کې د کاپیسا دکرنې رییس او کمېټې مشر مولوی محمدرحیم نعماني د یادې کمېټې د کړنو او فعالیتونو راپور مرستیال ولاي ته وړاندې او په دې برخه کې د هراړخیزو همکاریو غوښتنه وکړه.
دغه راز د غونډې په ترڅ کې پر یوشمېر نورو مهمو موضوعاتو هم خبرې وشوې او د عاریضونو دوسیې او ستونزې وڅېړل شوې.