نورستان کې د ځنګلونو خوندیتوب او پراختیا په پارهڅې
د نورستان مرستیال والي مولوی فیصل مختار، دکرنې، اوبولګولو او مالدارۍ رییس مولوی شېرآقا(پیر حبیب الرحمن)، د ځنګلاتي کمېټې غړو، د امنیې قومندانۍ او د شنې قطعې استازو سره په ناسته کې د ځنګلونو د خوندیتوب، بیارغونې او پراختیا په پار خبرې اترې وکړې.
ددې ناستې په ترڅ کې د نورستان دکرنې ریاست له خوا د ځنګلونو د ساتنې او پراختیا په پار ترتیب شوې طرحه وړاندې شوه او په غونډه کې له حاضرو چارواکو وغوښتل، چې د یادې طرحې د بډاینې په پار دې خپل نظرونه او وړاندیزونه مطرح کړي.
په ورته وخت کې دنورستان مرستیال والي مولوی فیصل مختار د شنې قطعې مسوولینو څخه وغوښتل، چې ترتیب شوې طرحه دې د نورستان ولایت په کچه پلي کړي.
دا ناسته په داسې حال کې ترسره کېږي، چې موده مخکې د کرنې وزارت د اوبولګولو او طبیعي سرچینو مرستیال په مشرۍ پلاوی یاد ولایت ته د سفر په ترڅ کې ددې ولایت له سیمه ییزو چارواکو سره د ځنګلونو او طبیعي سرچینو د خوندیتوب او پراختیا په پار خبرې اترې وکړې.
