هلمند کې د چرګانو روزنې لسګونو فارم لرونکو سره مرسته وشوه
۱۶ زمری ۱۴۰۳ه.ش
۲ صَفَر المُظَفَّر ۱۴۴۶ه.ق
دهلمند ولایت د کرنې، اوبولګولو او مالدارۍ ریاست، د مالدارۍ او حیواني روغتیا آمریت لخوا، په داسې حال کې چې د مالدارۍ او حیواني روغتیا آمر حافظ هدایت الله هدایت هم شتون درلود، ددې ولایت ٢٣٠ تنو د چرګانو فارم لرونکو سره د چرګان خوراکي توکو مرسته وشوه.
ددغو مرستو په وېش غونډه کې د هلمند د مالدارۍ او حیواني روغتیا آمر وویل: «ددې لپاره چې هلمند کې د چرګانو فارم لرونکي په خپلو پښو ودریږي، د دوی د ملاتړ او حمایت ووشي، تر دې وړاندې نوموړیو فارم لرونکو ته د چرګانو د ښې روزنې، د ناروغیو مخنیوي او درملنې، د محصولاتو راټولولو او بازار ته د وړاندې کولو او د کیفیت او کمیت له پلوه د چرګانو فارمونو د روزلو په اړه زده کړې هم ورکړل شوي دي، چې اوسمهال د هر فارم مسؤل ته څلور بوجۍ د چرګانو خوراکه هم ووېشل شوه.»
دغه مرسته د «ډي اې آی» په مالي مرسته پر دغو فارم لرونکو وېشل شوي دي.
د هلمند ولایت د کرنې ریاست هڅه کوي چې په دې ولایت کې خصوصي سکټور ته وده او پراختیا ورکړي، ترڅو د کورنيو محصولاتو صادرات مو پیاوړي او د بې کیفیته وارداتو کچه ټیټه شي.
