د ننګرهار کرنې رییس د تخمونو د تصدیق لابراتوار کې د تیغ وهني له تجروبو څخه لیدنه وکړه
۱۵ زمری ۱۴۰۳ه.ش
۱ صَفَر المُظَفَّر ۱۴۴۶ه.ق
د ننګرهار د کرنې، اوبو لګولو او مالدارۍ رییس مولوي محمد ولي محسن د کرنیزو تخمونو د تصدیق ورکونې له لابراتوار څخه لیدنه وکړه.
د تخمونو د تصدیق امر غافر الله کانوال په لابراتوار کې پر غله جاتو، سبو، تېلي نباتاتو او ګڼو نورو برخو کې پر شته تجروبو او روانو فعالیتونو معلومات وړاندې کړل.
نوموړي په لابراتوار کې د اصلاح شوو تخمونو د تیغ وهني فیصدۍ، په لابراتوار کې ستونزي، لاسته راوړني او راتلونکي کړنو په تړاو معلومات وړاندې کړل.
ښاغلي کانوال د کرنې رییس ته وویل پدې لابراتوار کې د ناروغیو، بدلو نوعو، د تیغ وهني فیصدۍ، اوبو اندازي معلومولو او نوري برخو کې څیړنې کیږي او تر تائیدۍ وروسته ورته سرټفکیټ ورکول کېږي.
د ننګرهار د کرنې، اوبو لګولو او مالدارۍ رییس مولوي محمد ولي محسن د کار کوونکو پر ښو کارونو خوښي څرګنده کړه او دلابراتوار په برخه کې د شته ستونزو په حل کې د همکارۍ ډاډ ورکړ.
