هلمند کې د اصلاح شویو تخمونو خصوصي شرکتونو سره ناسته وشوه
۱۵ زمری ۱۴۰۳ه.ش
۱ صَفَر المُظَفَّر ۱۴۴۶ه.ق
د هلمند ولایت د کرنې، اوبولګولو او مالدارۍ ریاست اړوند د سوېل لویدیځ زون د تخمونو تصدیق ورکولو آمر قاري مولوي بشیراحمد په مشرۍ د اصلاح شویو تخمونو تولیدي شرکتونو او دولتي تصدۍ له مسؤلینو سره ناسته وشوه.
په دغه ناسته کې د ٨ خصوصي شرکتونو او دهلمند ولایت د اصلاح شویو تخمونو تصدۍ آمریت مسؤلینو ترڅنګ دکرنې ریاست مسلکي کارکؤنکو برخه اخیستې وه.
په یاده ناسته کې د کروندو د ارزونې کړنلاره، د تخمونو د ازموینې لابراتواري مراحلو او په زېرمتونو نو کې د اصلاح شویو تخمونو ځای پر ځای کولو په اړه له ګډونوالو سره لازم معلوماتونه شریک شو.
همدارنګه د اړونده تولیدي شرکتونو مسؤلینو له لوري یو شمېر ستونزې او غوښتنې د تخمنو تصدیق ورکولو آمر سره شریکې شوې، چې د حل په برخه کې د اصولي همکاریو ډاډ ورکول شو.
