د لوګر دکرنې ریاست: د ازرې ولسوالی سېلاب ځپلو سیمو ته دې پروخت رسېدنه وشي

۲۶چنګاښ ۱۴۰۳ه‍.ش
۱۰ مُحَرَّمُ الحَرام ۱۴۴۶ه‍.ق
د لوګر ولایت د کرنې، اوبولګولو او مالدارارۍ ریاست د ازرې ولسوالۍ د کرنیزو خدمتونو مدیریت کاروونکو له لوري، د یادې  ولسوالۍ په بېلابېلو سیمو کې د سبو او غله جاتو له کروندو او سېلاب ځپلو سیمو څخه لیدنې او ارزونې وشوې.
داچې وروستیو اورښتونو او سېلابونو لوګر کې عامو ولسونو ته پراخه زیانونه اړولي دي نو ازرې ولسوالی هم یوه له هغو ولسوالیو څخه ده، چې د ګڼو کرونده ګرو فصلونه او بڼوڼه پکې متضرر او یا هم په بشپړ ډول له منځه تللي دي.
د سیمې هغه بزګر او بڼوال چې د سېلابونو او اورښتونو له امله یې کروندې زیانمنې شوي دي غوښتنه کوي ترڅو له دوی سره دې اړونده ادارې او بنسټونه لازمې مرستې ترسره کړي.
په همدې حال کې د لوګر دکرنې، اوبولګولو او مالدارۍ ریاست له ملي او نړۍوالو بنسټونو وغوښتل، چې د ازرې ولسوالی سېلاب ځپلو سیمو ته دې پروخت رسېدنه وشي او له زیانمنو کروندګرو او کورنیو سره دې اړیني مرستې ترسره شي.