د کندهار سپین بولدک کې د شېدوټولولو او پروسس مرکز پرانیستل شو

۲۵چنګاښ ۱۴۰۳ه‍.ش
۹ مُحَرَّمُ الحَرام ۱۴۴۶ه‍.ق
دکندهار ولایت د کرنې، اوبولګولو او مالدارۍ ریاست په هلو ځلو، د افغانانو لپاره د هالنډ کمېټې په مالي همکارۍ سپین بولدک ولسوالی کې د شېدو راټولولو او پروسس مرکز ګټې اخیستنې ته وسپارل شو.
په دې اړه جوړو شویو مراسمو کې د کندهار دکرنې ریاست استازی، د سپین بولدک ولسوالي سیمه ییزو چارواکو، د اړونده مؤسسې استازو او دشېدو راټولولو مرکز مسؤلینو برخه اخیستې وه. 
په دغو مرسته شویو توکیو کې نږدې ٢٥ قلمه د اړتیا وړ ټول هغه وسایل شامل دي، چې د شېدو راټولولو، ساتلو او پروسس لپاره په کاریږي، ددغه مرکز پر مټ به په راتلونکي کې د ځایي مالدارانو څخه شیدې پېرل کېږي او دلته به تر پروسس او بسته بندۍ وروسته په ښه کیفیت په عمده او پرچون ډول بازار ته وړاندې کیږي.
ددغو مرستو موخه د خصوصي سکتور پیاوړتیا او د ځایي مالدارانو د حیواني محصولاتو لپاره د بازار موندنه ده.