هلمند کي د اصلاح شویو تخمونو  د دوو خصوصي شرکتونو د پاکولو او پروسس له چارو څارنه وشوه

۱۴ چنګاښ ۱۴۰۳ه‍.ش
۲۷ ذی‌الحِجّة ۱۴۴۵ه‍.ق
دهلمند ولایت د کرني، اوبولګولو او مالدارۍ ریاست اړوند د سوېل لویدیځ زون د کرنیزو تخمونو د تصدیق ورکولو آمریت کارکوونکو لخ خوا د غنمو د تخمونو پاکولو او پروسس له چارو لیدنه او ارزونه وشوه.
ددغې څارنې په لړ کې د حبیب هلمند  او بست د اصلاح شویو تخمونو د شرکتونو د غنمو د پاک کارۍ له پروسې څخه نظارت ترسره شوه.
د یادې پروسې له لارې به سږکال بست شرکت  ١٦٢.٩ متریک ټنه بنیادي او ١٦٦٣.٥ ټنه تصدیقي اصلاح شوي دغنمو تخم او همدارنګه د حبیب هلمند داصلاح شویو تخمونو خصوصي شرکت له خوا به ٢٤٥.٣ متریک ټنه تخم په لاس راشي. 
دغه غنم به د لابراتوار په ذریعه وارزول شي، چې د تجزیې څخه وروسته به یې د یوه سالم تخم په توګه د رد او یا تائید په برخه کې لازم تصمیم ونیول شي.
دمثبتو پایلو له ترلاسه کولو وروسته به صحیح او سالمو تخمونو ته تصدیق ورکړل شي او غیر سالم تخمونه ردېږي.