ننګرهار کې د ملخانو پر وړاندې د مجادلې کمپاین پیل شو
۲ غویی ۱۴۰۳ه.ش
۱۲ شَوّال المُکَرَّم ۱۴۴۵ه.ق
د ننګرهار د کرنې، اوبولګولو او مالدارۍ ریاست د بوټو ساتنې مدیریت له لورې د لښکري ملخانو د تثبیت او مخنیوی په موخه کمپاین پیل شو.
د ننګرهار دکرنې، اوبولګولو او مالدارۍ رییس الحاج مولوی عبدالستار محمد وویل، چې د ننګرهار په ټولو ولسوالیو کې د لښکري ملخانو تثبیت او مخنیوي کمپاین چارې پیل شوي دي.
ښاغلی محمد وویل، چې د کوزکونړ ولسوالۍ د ګمبیري په سیمه کې په ډېره کچه او د بهسودو بهراباد سیمه کې په کمه کچه ملخان لیدل شوي، او ډېر ژر به یې پر وړاندې د مخنیوي کمپاین پیل شي.
د ننګرهار د کرنې ریاست هلې ځلې کوي تر څو پر وخت سره د طبيعي افتونو او صحرایي ملخانو د راتګ مخنیوی وکړي او له دې لارې د راتلونکو ګواښونو کچه ټیټه کړي.
