د لغمان دولت شاه کې د شاتو مچیو روزونکو سره مرسته وشوه
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «اف.اې.او» په مالي او د «اکښن اېډ» مؤسسې په تخنیکي همکارۍ ددې ولایت دولت شاه ولسوالی کې د شاتو مچیو پر ۲۵ روزونکو د شاتو مچۍ او اړونده توکي وېشلي دي.
ددې مرستې په ترڅ کې د شاتو مچیو هر روزونکي ته پنځه پیټۍ د شاتو مچۍ ډک صندوقونه، درې قلمه د شاتو مچیو د ناروغیو د مخنیوي درمل او د شاتو د ویستلو ماشین ورکړل شوي دي.
ددې مرستې موخه د شاتو مچیو روزونکو ملاتړ او په ټوله کې ددې سکټور پراختیا ته زمینه برابرول دي.
