د پکتیکا دکرنې رییس د علماوو شورا له استازو سره وکتل
۱۶ وری ۱۴۰۳ه.ش
۲۵ رَمَضانُ المُبارَک ۱۴۴۵ه.ق
د پکتیکا دکرنې، اوبولګولو او مالدارۍ رییس الحاج شېر محمد ذبیح ددې ولایت د علماوو شورا د رییس او غړو سره د امارتي ځمکو د غصب مخنیوی په موخه خبرې اترې وکړې.
ددې کتنې په ترڅ کې د پکتیکا د کرنې، اوبولګولو او مالدارۍ رییس الحاج شېر محمد ذبیح د دې ولایت د علماوو شورا له رییس او غړو څخه د ځمکې غصب مخنیوی اوغصب شویو ځمکو بېرته راګرځولو په برخه کې د لازمې همکارۍ او همغږۍ غوښتنه وکړه.
په همدې حال کې د پکتیکا د علماوو شورا رییس ددې ولایت دکرنې رییس ته دهر راز همکاریو ډاډ ورکړ او زیاته یې کړه، چې چاته په هم اجازه ورنکړي، چې په امارتي ځمکو کې خپل سرې غاصبانه تصرفات وکړي.
