خوست د نادرشاه کوټ ولسوالی کې د څارویو خوندیتوب په پار هڅې؛ سلګونه څاروي واکسین شوي دي
۸ وری ۱۴۰۳ه.ش
۱۷ رَمَضانُ المُبارَک ۱۴۴۵ه.ق
د خوست دکرنې، اوبولګولو او مالدارۍ ریاست د افغانستان لپاره د ناروې کمېټې په همکارۍ ددې ولایت د نادرشاه کوټ ولسوالی د مالدارانو ستونزو ته د رسېدنې او د څارویو د ناروغیو د مخنیوي په پار د بېلابېلو ناروغیو د واکسینونو پلي کولو ترڅنګ د واکسینونو په هکله مالدارانو ته د عامه پوهاوی پروګرام پیل کړی دی.
د خوست دکرنې ریاست د چارواکو په خبره ددې لړۍ په ترڅ کې د نادرشاه کوټ ولسوالی په بېلابېلو سیمو کې ۱۷۶غواوې او لسګونه وزې واکسین او ترڅنګ یې مالدارانو ته د څارویو روزنې او واکسینونو په هکله عامه پوهاوی ورکړل شوي دي.
ددې پروګرام موخه د مالدارانو ملاتړ، د څارویو د ناروغیو د کچې ټیټول او په ټوله کې د مالدارۍ سکټور ودې او پراختیا ته زمینه برابرول دي.
