د ننگرهار د کرنې رییس ددې ولایت د شاتو مچیو ټولنې له چاراکو سره وکتل
![د ننگرهار د کرنې رییس ددې ولایت د شاتو مچیو ټولنې له چاراکو سره وکتل](https://www.mail.gov.af/sites/default/files/2024-03/img-20240325-wa0052.jpg)
۶ وری ۱۴۰۳ه.ش
۱۵ رَمَضانُ المُبارَک ۱۴۴۵ه.ق
د ننګرهار دکرنې، اوبولګولو او مالدارۍ رییس مولوی عبدالستار محمد ددې ولایت د شاتو مچیو روزنې د ټولنې له چارواکو سره په کتنه کې د شاتو مچیو د لېږد، ترویج او د دوی د ستونزو هوارولو په هکله خبرې اترې وکړې.
په دې کتنه کې د شاتو مچیو روزونکو د ټولنې مشر ریاض محمد رودوال په تورخم ګمرک کې د شاتو مچیو د انتقال او په ګمرک کې د ستونزو، شاتو مچیو ترویج، د فارمونو سروې، لاسته راوړنو او راتلونکي پلانونو په تړاو معلومات وړاندې کړل.
دغه راز ښاغلي رودوال د بېرو ځنګلونو جوړولو، په غریزو سیمو کې د شاتو مچیو روزونکو ته د اسانتیاوو او بازار موندنې په برخه کې د همکارۍ غوښتنه وکړه.
په همدې حال کې د ننګرهار کرنې، اوبولګولو او مالدارۍ رییس مولوي عبدالستار محمد د یادې ټولنې چارواکو ته د هر راز همکارۍ ډاډ ورکړ.