کور دننه مېرمنو ته د کار زمینې پیداکولو په پارهڅې؛ نورستان کې ۱۳۲ مېرمنو سره مرستې وشوې
د نورستان دکرنې، اوبولګولو او مالدارۍ ریاست د خوړو نړۍوالې ادارې په مالي او د «ان،سي،آر،او» موسسې په تخنیکي همکارۍ ددې ولایت په څلورو ولسوالیو «پارون، واما، وایګل او کامدېش» کې مېرمنو ته په کور دننه دکار زمینې برابرولو او د دوی د کورنیو د اقتصادي پیاوړتیا په پا پر ۱۳۲ مېرمنو سوی او د سویانو د روزنې په پار اړونده توکي، چې په کې د سویانو خوراکي توکي، د اوبو څښلو او خوراک لوښې شامل دي وېشل شوي دي.
د نورستان دکرنې ریاست د چارواکو په خبره یاد وېشل شوي سویان نوی نسل دي، چې نیوزیلانډ هېواد پورې اړه لري او د کال ۴۰ تر ۴۸ پورې بچي زېږوي او تر پنځه کیلوګرامه او یا زیات وزن اخلي.
ددې مرستې موخه مېرمنو ته په کوردننه د کارزمینه برابرول، د سیمې اوسیدونکو د خوړو خوندیتوب او د یادو کورنیو اقتصادي ودې ته زمینه برابرول دي.
