هلمند کې شنې خونې ګټې اخیستنې ته وسپارل شوې
![هلمند کې شنې خونې ګټې اخیستنې ته وسپارل شوې](https://www.mail.gov.af/sites/default/files/2024-03/img-20240305-wa0093.jpg)
١٥ کب ۱۴۰۲ه.ش
٢٣ شَعبان المُعَظّم ۱۴۴۵ه.ق
دهلمند ولایت دکرنې، اوبولګولو او مالدارۍ ریاست له لوري ددې ولایت په مرکز لښکرګاه او یو شمېر ولسوالیو کې د ٦ بابه شنو خونو د جوړولو چارې بشپړ او ګټې اخیستنې ته وسپارل شوې
دغه شنې خونې، چې د کرنې وزارت په څه دپاسه یومیلیون افغانیو پراختیایي بودیجې جوړې شوي دي، د یو ګډ پلاوي لخوا چې په ترکیب کې یې د ولایت مقام استازی انجنیر عبدالقادر، اقتصاد ریاست څخه عصمت الله او د کرنې ریاست څخه انجنیر امان الله تسکین شامل دي له نږدې لیدنه او ارزونه وکړه، یاد پلاوي د پلان له مخې د قراردادي شرکت چارې وارزولې او په اړه یې د کارونو د سل سلنې پرمختګ تائید ترسره کړه.
په همدې موخه یادې خونې د موسمي نباتاتو د کرنې په موخه ګټې اخیستنې ته وسپارل شوې او د مؤظف پلاوي لخوا اړونده بزګرانو ته لازمې سپارښتنې وشوې.
دغه شنې خونې په ازمایښتي ډول په دې ولایت کې د بزګرانو د ملاتړ او ددوی د اقتصادي ودې ښه کېدو په موخه رغول شوي دي.