جلال آباد ښار کې د چرګانو درمل پلورنځۍ وڅارل شول
۱۴ کب ۱۴۰۲ه.ش
۲۲ شَعبان المُعَظّم ۱۴۴۵ه.ق
د ننګرهار د کرنې، اوبولګولو او مالدارۍ ریاست د مالدارۍ او څارویو روغتیا امریت امر داکتر محمد ضمیر بهسودي په مشرۍ یو ګډ پلاوي د جلال آباد ښار استقلال او نور عمر مارکیټونو کې چرګانو درمل پلورنځیو څارنه تر سره شوه.
د ننګرهار دکرنې ریاست د څارویو روغتیا او مالدارۍ امر داکتر محمد ضمیر بهسودی وویل؛ د کرنې ریاست د لارښووني مطابق د جلال آباد ښار کې د اسنادو، جوازونو او چرګانو صنعت پیاوړتیا لپاره د چرګانو درمل پلورنځیو څارنه روانه ده.
نوموړي زیاته کړه د چرګانو درمل پلورنځیو د څارني موخه د درملو کیفیت، تاریخ تېر درملو معلومول، د درمل پلورنځیو ارزول، د واکسینونو کولډ چین سیستم مراعتولو، ناروغیو مطابق موثرو درملو سپارښتنو او د فارمونو ښه مدیریت په موخه فارم لرونکو ته د لاروښونې په پار ترسره کېږي.
ښاغلي بهسودي درمل پلورونکو ته دمسلکي کسانو ګمارلو، جوازونو اخیستلو، د درمل پلورنځیو پاکوالي او ګڼو نورو برخو کې لازمي سپارښتنې وکړې.
دغه راز ددې ارزونې په ترڅ کې یو شمېر تاریخ تېري درمل هم له درمل پلورنځیو څخه راټول شوي دي.
