د هلمند دوو ولسوالیو کې پر سلګونو کورنیو مرستې وېشل کېږي
٣٠ سلواغه ۱۴۰۲ه.ش
٨ شَعبان المُعَظّم ۱۴۴۵ه.ق
دهلمند ولایت د کرنې، اوبولګولو او مالدارۍ ریاست لخوا، د جک مؤسسې په مالي همکارۍ د ګرمسېر او نهرسراج ولسوالیو ٧٥٤ تنو ښځینه وو کروندګرو سره د بېلابېلو توکو د مرستې تر څنګ د زده کړو لړۍ پیل شوي دي.
د یادو مرستو په لړ کې هرې کورنۍ ته د سبو تخمونه چې په ترکیب کې یې، بنډۍ ۱۵۰ ګرامه، پیاز ۶۰ ګرامه، رومي بانجان ۶۰ ګرامه، ګازره ۵۰ ګرامه، کرم ۸۰، شلغم ۸۰ ، ګوبپ ۸۰ ، توربانجان ۸۰ ګرامه، همدارنګه یو عدد بیلچه، د اوبو جیک، د اوبو اب دان، ښاخی، کجبیله او د اوبو ډبه شامل دي وېشل کېږي.
نوموړو کورنیو ته همدارنګه د سبو د ښې روزنې په برخه کې زده کړې هم ورکول کېږي.
دیادولو وړ ده، چې ګرمسېر او نهرسراج ولسوالیو کې تر دې وړاندې هم ګڼو بزګرو او مالدارانو سره د بېلابېلو توکو مرستې ترسره شوي دي.
