خوست کې پر څه باندې ۲۸۰ بزګرانو د کورنیو باغچو اړونده توکي ووېشل شول
۲۳ مرغومې ۱۴۰۲ه.ش
۱ رَجَب المُرَجَّب ۱۴۴۵ ه.ق
د خوست د کرنې، اوبولګولو او مالدارۍ ریاست د افغانستان لپاره د ناروې کمېټې په همکارۍ ددې ولایت د نادر شاه کوټ ولسوالۍ پر۲۸۲ګټه اخیستونکو د کورنیو باغچو اړوند پنځه ډوله توکي او کرنیز تخمونه وېشلي دي.
د کورنیو باغچو اړونده دا توکي د غیر موسمي سبو د تولید، مېرمنو ته د کارموندنې، د مېرمنو ونډه د دوی د کورنیو په اقتصادي غوړېدا او د خوراکي تنوع په پار پر دغو بزګرانو وېشل شوي دي.
د خوست ولایت د کرنې ریاست وایي، چې د دغو توکو له وېشلو څخه موخه، د غیرموسمي سبو کښت او تولید دي چې، په عملي کېدو سره یې مېرمنو او بېوزله بزګرانو ته د کار زمینه برابره او د دوی د کورنیو د اقتصادي ودې لامل کېږي.
