د هلمندي بڼوالو د روزنې لړۍ پیل شو
٣٠ لیندۍ ۱۴۰۲ه.ش
٨ جُمَادَى الثاني ۱۴۴۵ ه.ق
د هلمند د کرنې، اوبولګولو او مالدارۍ ریاست، د بوټو ساتنې او قرنطین مدیریت فني کارکوونکو لخوا، ددې ولایت بڼوالو ته په فني ډول د انګورو بڼونو د ناروغیو او افتونو د مخنیوي لارې چارې په عملي او نظري ډول ښودل کېږی.
په دې روزنیزه برنامه کې، بڼوالو ته د سپېرغوږې یا خاکسترک، قرغنه، شیري او نورو ناروغیو او دغه راز د حشراتو د مخنیوي په هکله هر اړخیزې زده کړې ورکول کېږي.
ددې ترڅنګ د وقايوي او ترکيبي درملو، يوريا سپري، ژمني غوړيو، لايم سلفر اونورو ترکیبي او وقايوي درملو دجوړول او استعمالولو وختونه هم بڼوالو ته ښودل کېږي.
ددې روزنیز پرورګرام موخه د انګورو بڼونو د ناروغیو او افتونو مخنیوی او د کیفیت او کمیت له پلوه د یادو بڼونو د حاصلاتو ښه کول دي.
د هلمند دکرنې ریاست فني او مسلکي کارکوونکي هلې ځلې کوی، چې ددې ولایت دودیز کرکېلي ته پرمختللي او عصري بڼه ورکړي.
