لغمان کې قومي مشرانو سره د ځنګلونو ساتنې په موخه ناسته وشوه
دلغمان د کرنې، اوبولګولواومالدارۍ رییس الحاج مولوي محمدولي محسن په هدایت دعلیشنګ ولسوالی د ځنګلونو او څړځایونو مدیریت لخوا دعلیشنګ ولسوالې دغازي آباد، جمشید آباداو پړاین کلیو له قومي مشرانو سره د ځنګلونو د غیرقانوني وهنې مخنیوی او ساتنې په پار ناسته ترسره شوه.
په دې ناسته کې یادو قومي مشرانو ته د ځنګلونو د خوندیتوب او ساتنې په پار د عامه پوهاوی ترڅنګ دوی ته ددې ملي پانګې په هکله هر اړخیز معلومات وړاندې شول.
په همدې حال کې یادو مشرانو هم ځنګلونو ساتنه یو ملي وجیبه وګڼله او اړوندو چارواکو ته یې ډاډ ورکړل، چې دوی به د خپلو سیمو د ځنګلونو ساتنه کوي.
