نیمروز کې پر ٧ زره بزګرانو د غنمو اصلاح شوي تخمونه او کیمیاوې سرې ووېشل شوې
۶ لړم ۱۴۰۲ه.ش
۱۳ ربیعالثاني ۱۴۴۵ ه.ق
د نیمروز ولایت دکرنې، اوبولګولو او مالدارۍ ریاست د ملګرو ملتونو د خوړو اوکرنې ادارې په همکارۍ ددې ولایت پر ٧ زره مستحقو بزګرانو د غنمو اصلاح شوي تخمونو او کيمياوي سرې وېشلي دي.
د نيمروز ولايت د کرنې، ابولګولو او مالدارۍ ریيس، مولوي عبدالخالق "حکيم الله"وايي، د خاشرود ولسوالی دوه زره تنو بزګرو، د چخانسور ولسوالی زره تنو، د دلارام دوه زره بزګرو، د زرنج ښار زرو بزګرو او د چهاربرجکې ولسوالی زرو تنو بزګرو ته د غنمو اصلاح شوي تخمونه او کیمیاوي سرې ورکړل شوي دي.
د ښاغلي حکیمالله په خبره اصلاح شوي تخمونه د افغانستان د راتلونکي نسلونو مؤسسې لخوا د همدې ولایت د کرنې ریاست په همغږۍ د یادو ولسوالیو د کرنې د مسؤولینو په حضور کې ووېشل شول.
د دې مرستې د وېش موخه د بېوزله بزګرانو ملاتړ او په ټوله کې د دوی د کرنیزو محصولاتو زیاتوالی له لارې د دوی عوایدو زیاتوالي ته زمینه برابرول دي.
