د ننګرهار کانال شرکت په ۸۰ جریبه ځمکه د مالتې بڼونه جوړېږي
د ننګرهار کانال شرکت چارواکي وایي، چې ددې شرکت د هډې فارم اړوند لومړي بلاک ۵۰ او۵۲ نمره ځمکه (حلقوي سړک ترڅېرمه) په شاوخوا ۸۰ جریبه ځمکه کې د مالتې بڼونه جوړېږي.
د مالټې یاد بڼونه د خصوصي سکټور په همکارۍ د پنځه میلیونه افغانیو په لګښت جوړېږي، چې ورسره به ۲۵ کسانو ته په نېغه او سلګونو نورو کسانو ته په نا نېغه ډول د کار زمینه برابرېږي.
د چارواکو په خبره تېر کال د کانال په ۱۷۵۰۰ جریبه ځمکه د مالتې بڼونه مالټې بڼونه جوړ شوي، چې ورسره په دې ولایت کې د سټرویو د حاصلاتو کچه هم زیاته شوې ده.
د ننګرهارکانال دسټروسو حاصلات چې د لوړ کیفیت لرونکي دي د پلازمینې کابل سربېره دهېواد نورو ولایتونو ته هم صادریږي.
د مالټې د دغو بڼونو جوړولو موخه هېواد د سټروسو مېوو له اړخه پر ځان بسیا کول او په ټوله کې د سټروسو بڼونو ترویج او خلکو ته د کار زمینې برابرول دي.
