لغمان کې د مالدارۍ خوندیتوب په پار هڅې؛ د څارویو د خوارکي توکو زېرمتون او دوه کلینیکونه ګټې اخیستنې ته وسپارل شول

د ننګرهار د کرنې، اوبولګولو او مالدارۍ ریاست په هڅو ددې ولایت د مرکز مهترلام ګلارم په سیمه کې  کې د ۲۱ زره  امریکایې ډالرو په ارزښت د مالدارانو د ستونزو د حل په پار  حیواني خوراکې میل او یو د وترنرۍ دوه کلینیکونه ګټي اخیستي ته وسپارل شول.
د لغمان د کرنې، اوبولګولو او مالدارۍ رییس الحاج مولوی محمد ولي محسن وویل، چې ددې ولایت د مالدارانو د ستونزو حل او په په دې ولایت کې د مالدارۍ سکټور د پیاوړتیا په پار دوه پروژې ګټي اخیستني ته سپارل شوي دي .
د کرنې رییس زیاته کړه، چې د مالدارۍ کلینیکونه او د حیواني خوراکې زېرمتون دافغانستان لپاره د هالینډ کمیټې دکرنې د پراختیا نړیوال وجهي صندوق لخوا جوړ شوی،  چې ددي کلینیکونو او حیواني خوراکې په جوړولو سره د درملو او خوراکې  ترڅنګ واکسینونو، درملني او لازمو مشورو سره د مالدارۍ سکتور کې مثبت بدلونونه ولیدل شي.
دغه راز  د ۷ زره ډالرو په ارزښت د حیواني خوراکې لپاره ودانۍ، ماشینري، میل لپاره اومه مواد؛ او  په ټوله کې د ۲۱ زره ډالرو په ارزښت د کلینیک  لپاره یوه عراده موټر سایکل،  یو پایه سولري یخچال، بشپړ سولري سیستم،  د وترنري تخنیکي بستې،  لوجستیکي بستې او ګڼ نور وسایل ورکړل شوي دي،  ترڅو مالدارانو ته ښه او بهتره چوپړونه وړاندې کړي.
ددې مرستې موخه په دې ولایت کې د مالدارانو ستونزو ته رسېدنه او په ټوله کې د مالدارۍ سکټور ودې او پراختیا ته زمینه برابرول دي.