د ننګرهارکانال شرکت رییس دهډې فارم امریت او روغتیايي کلینیک څخه څارنه وکړه
د ننګرهارکانال شرکت رییس مولوي غلام الرحمن کظیم د یاد شرکت اړوند د هډې فارم امریت او روغتیايي کلینیک څخه څارنې او لیدنې پر مهال دیاد آمریت او کلینیک د کارکوونکو ستونزې او ړاندیزونه واروېدل.
ددې کتنې په ترڅ کې د ننګرهار دکانال شرکت رییس مولوی غلام الرحمن کظیم
د هډې فارم امر او روغتیايي کلینک مسوولینو ته لازمې سپارښتنې او لارښوونې وکړې.
په همدې حال کې د هډې فارم امر انجنیر سیداغا میاخېل او روغتیايي کلینیک مسئوولينو د کانال شرکت رییس څخه مننه وکړه، چې د دوی ستونزې هوارولو په پار له دوی سره وکتل او زياته يې کړه چې دا ډول ليدنو له برکته زموږ ټول مامورین خپلو مسئووليتونو ته لا متوجه کېږي.
باید وویل شي، چې دکانال شرکت رییس سره په دې لېدنه کې د کرنیزو چارو مسوول انجنیر جمیل خوشحال، دفتر امر قاري شکیل احمد ذاهب خېرخواه او یوشمېر نورو چارواکو ملتیا کوله.
