د هلمند ناوه مېش کې پر ۱۰۰۰ بزګرانو د غنمو اصلاح شوي تخمونه او کیمیاوي سرې وېشل کېږي
۳۰ وږي ۱۴۰۲ه.ش
۶ ربیع‌الاول ۱۴۴۵ه.ق
دهلمند ولایت د کرنې، اوبولګولو او مالدارۍ ریاست په هلو ځلو، د بشري خیریه مؤسسې په همکارۍ، ددې ولایت ناوه مېش ولسوالی ١٠٠٠ زرو نفرو بزګرانو ته دغنمو اصلاح شويو تخمونو او کیمیاوي سرې وېشلو په موخه د مستحقینو د انتخاب سروې پیل شوې ده.
د سروې دغه چارې د ګډې کمیټې لخوا په شفاف ډول ادامه لري، چې په تعقیب به یې هر بزګر ته ٥٠ کیلوګرامه د غنمو اصلاح شوی تخم، ٥٠ کیلوګرامه سپین او ٥٠ کیلو ګرامه تور کیمیاوي سره ورکړل شي.
د دې پروسې موخه په دې ولسوالی کې د بزګرانو ملاتړ دی، چې پر مټ به یې ځمکوال وکولای شي له خپلو ځمکو څخه لوړ حاصلات ترلاسه کړي.
