د هلمند سنګین کې پر سلګونو بزګرانو د غنمو اصلاح شوي تخمونه او کیمیاوي سرې وېشل کېږي
دهلمند ولایت د کرنې، اوبولګولو او مالدارۍ ریاست په هلو ځلو د افغانانو د پوهې او وړتیا لوړولو یا جک مؤسسې په همکارۍ، ددېولایت د سنګین ولسوالی پر ٣٠٨٦ بزګرانو ته دغنمو اصلاح شويو تخمونو او کیمیاوي سرې وېشلو په موخه د مستحقینو د انتخاب سروې ترسره شوه.
د سروې دغه چارې د ګډې کمیټې لخوا په شفاف ډول پای ته رسیدلي دی، چې په تعقیب به یې هر بزګر ته ٥٠ کیلوګرامه د غنمو اصلاح شوی تخم او ٥٠ کیلوګرامه کیمیاوي سرې ورکړل شي.
د دې پروسې موخه په دې ولسوالی کې د بزګرانو ملاتړ دی، چې پر مټ به یې ځمکوال وکولای شي له خپلو ځمکو څخه لوړ حاصلات ترلاسه کړي.
