د ملي تدارکاتو ادارې د کرنې وزارت د تدارکاتو کارکوونکی وستایه

۴ وږی ۱۳۹۸
په تدارکاتي چارو کې د نوښتونو له کبله د تدارکاتو ملي ادارې د کرنې، اوبولګولو او مالدارۍ وزارت د بڼوالۍ او مالدارۍ ملي پروژې د تدارکاتو او قرادادونو متخصص خيرالله ضياء ته ستاينليک ورکړ.
ښاغلي ضياء ته دغه ستاينليک له هغه وروسته ورکړل شو چې د کرنې وزارت د ۲۰۱۸ کال د سوېلي آسیا د عامه تدارکاتو د نوښت جایزه ترلاسه کړه.
دغه جایزه هغو ادارو ته ورکوله کېږي چې په تدارکاتي چارو کې نوښتونه او شفافيت رامنځته کړي.
د یادولو ده، چې تېر کال د کرنې وزارت فساد سره د مبارزې د پلان په علمي کولوسره وتوانېد، چې په تدارکاتو او د خپلو پروژو په پلي کولو کې میلیونه افغانۍ سپما کړي. همداراز باید وویل شي، هغه کارکوونکي چې په فساد تورن و له دندو ګوښه او عدلي او قضایي بنسټونو ته ور وپېژندل شول.
باید وویل شي، چې د کرنې، اوبولګولو او مالدارۍ وزارت په خپلو برنامو کې د لا روڼتیا په پار هلې ځلې کوي.