د هلمند ناوې ولسوالی کې لسګونه بزګران وروزل شول
٢١ زمری ۱۴۰۲ه.ش
٢٥ مُحَرَّمُ الحَرام ۱۴۴۵ه.ق
د هلمند ولایت د کرنې، اوبولګولو او مالدارۍ ریاست لخوا، د ملګرو ملتونو د نشه یي توکو او جرایمو په وړاندې د مبارزې دفتر په مالي او له افغان کډوالو سره د مرستې لپاره د ډنمارک کمیټې (ډاکار) په تخنیکي همکارۍ ١٠٠ تنو بزګر ته د جوارو د کتاري کرنې په اړه زده کړې ورکړل شوي دي.
همدارنګه د یوې بلې پروسې په لړ کې د یادې ولسوالی ١٧ تنو بزګرو ته د افغانستان لپاره د هالنډ کمیټې یا "ډی سی اي" مؤسسې په مالي همکارۍ په قاچاقي او غیر قانوني لارو نورو هېوادونو ته د انساني قاچاق او مهاجرت د مخنیوي او خطرونو په اړه لازم پوهاوی ورکړل شو، ددې ترڅنګ یادو بزګرو ته د نوبتي کرنې په اړه هم فني معلومات او عامه پوهاوی ورکړل شوي دي.
د یادولو وړ ده، چې دعامه پوهاوی دغه لړۍ به دهلمند مرکز لښکرګاه په ګډون ګڼو نورو ولسوالیو ته هم وغځېږي.
