خوست کې د جوارو د کرکېلي د ترویج او تکثیر په پار څېړنې روانې دي
۱۲ چنګاښ ۱۴۰۲ه.ش
۱۵ ذیالحِجّة ۱۴۴۴ ه.ق
د خوست دکرنې، اوبولګولو اومالدارۍ ریاست وایي، د یاد ولایت په څېړنیز فارم کې د جوارو پر یوشمېر ډولونو څېړنې کیږي. د چارواکو په خبره د جوارو دغه ورایټۍ ددې ولایت له اوبو، خاورې او هوا سره ښه توافق لري.
د خوست د کرنې، اوبولګولو او مالدارۍ ریاست چارواکي وایي، دوی هلې ځلې کوي چې په دې ولایت کې بزګرانو ته د میکانیزه کرکیلې لارې چارې ور وپېژنې.
د خوست دکرنې ریاست چارواکي وایي، چې اداره به یې د یاد نبات په اړه تحقیق او څېړنې کوي، ترڅو د اوبو، خاورې، هوا او ناروغیو پروړاندې یې پایلې مطالعه او وروستۍ پایله به یې له اړونده مقاماتو سره شریکې کړي.
باید وویل شي، چې د خوست دکرنې، اوبولګولو او مالدارۍ ریاست په دې ولایت کې د بزګرانو د ملاتړ په پار تل هلې ځلې کوي او په دې برخه کې یې ګڼ شمېر بریالي پروګرامونه هم پلي کړي دي.
