هلمند کې د ځمکو د غصب مخنیوی او غصب شویو ځمکو بېرته راګرځولو تخنیکي کمېټې غونډه دائره شوه
۲۹ غبرګولی ۱۴۰۲ه.ش
۱ ذیالحِجّة ۱۴۴۴ ه.ق
هلمند کې د ځمکو د غصب مخنیوی او غصب شویو ځمکو بېرته راګرځولو تخنیکي کمېټې غونډه دائره شوه، چي پکې د یادې کمېټې رییس مولوي نظر محمد صدیقي تر څنګ د فرمانونو، حکمونو او هدایاتو د تعقیب او څار رییس، د عدلیې رییس، د لښکرګاه ښاروال، د کار او ټولنیزو چارو رییس، د قضای امارت امر، د ځمکو آمریت استازي او نورو غړو هم حضور درلود.
ددې غونډې په ترڅ کې په بولان کې د مالدارۍ فارم اړوند غصب شوې ځمکې په اړه د ګډ پلاوي لخوا د کارونو د پیل په اړه ، همدارنګه د بولان سیمه کې د غله جاتو د منډویي د اسنادو او باقیاتو ارزونه ترسره شوه او راتلونکي غونډې ته یې د یادې موضوع هر اړخیزې څېړنې په اړه پریکړه وشوه ، ددې ترڅنګ د ادې باغ په سیمه کې د شخصي او امارتي ځمکې پر سر د رامنځته شوې دعوی د ارزونې په موخه سیمې ته د پلاوي په لیږلو تصمیم ونیول شوه.
په دې غونډه کې دغه راز د لښکرګاه شنه کمر بند سیمه کې د اشخاصو لخوا د شخصي ملکیت موضوع وڅېړل، د سمیټي د سیمې د اوسېدونکو پر عرایضو غور وشو او له اړوندو اشخاصو او افرادو سره یې لیدنې وکړې او هغوی ته یې د بې طرفانه څېړنو ډاډ ورکړ .
وروسته د هلمند ولایت د بېلابېلو ادارو له لوري تخنیکي پلاوی ته پر راجع شویو املاکي دوسیو بحث او خبرې وشوې، د یادو موضوعاتو د څېړنو او ارزونو په برخه کي لازمې پرېکړې وشوې.
