هلمند کې د ځمکې غصب مخنیوی او غصب شويو ځمکو بېرته راکرځولو تخنیکي کمېټې غونډه دائره شوه
۲۴ غبرګولی ۱۴۰۲ه.ش
۲۵ ذو القعدة ۱۴۴۴ ه.ق
د هلمند ولایت دځمکې د غصب مخنيوی او استرداد کمیسون تخنیکي پلاوی په داسې حال کې غونډه دائره کړه، چې د یاد پلاوي رییس مولوي نظر محمد صدیقي، د عدلیې رییس، د امنیې قومندانۍ استازی، د قضایای ام ا رت آمر، د ځمکو آمریت استازي او نورو غړو هم حضور درلود.
په دې غونډه کې لومړی د تیرې غونډې د پریکړو او اجرائتو ارزونه وشوه او د پاتې چارو د تعقیب په اړه لازم هدایتونه ورکړل شول.
وروسته تخنیکي پلاوی ته پر راجع شویو بېلابېلو املاکي دوسیو بحث او خبرې وشوې ، دیادو موضوعاتو د څېړنو او ارزونو په برخه کې لازم تصمیمونه ونیول شول.
ددې تر څنګ تخنیکي پلاوی د باغران ولسوالی د چنغور د سیمې، د نوزاد ولسولی د رازدان او پایاب د ولسونو ترمنځ پر امارتي ځمکو رامنځته شوې دعوی وڅېړلې او په اړه یې پرېکړه وشوه.
تخنیکي پلاوی همدارنګه د ګرشک په ولسوالی کې د انحصاراتو اړوند ځمکې، په مرکز لښکرګاه کې د مولوي عبدالشکور او شریکانو د ځمکې، د پي ارټي د ځمکې او په بېلابېلو نورو سیمو کې د اشخاصو او افرادو لخوا د ځمکو موضوعات وڅېړل شول
وروستیو کې تخنیکي پلاوی د لسګونو مراجعینو املاکي ستونزې واورېدې هغوی ته یې د اصولو له مخې د قانوني کړنو ډاډ ورکړ.
