د پکتیا دکرنې رییس کارکوونکو ته؛ یو پر بل پوره اعتماد او باور ولرئ
د پکتیا د کرنې، اوبولګولو او مالدارۍ رییس مولوي عبدالرؤف سعید دیاد ریاست اړوند د طبیعي سرچینو اداري کارکوونکو سره ګډه ناسته ترسره کړه.
په دې ناسته کې د پکتیا د کرنې، اوبولګولو او مالدارۍ ریاست رییس مولوي عبدالرؤف سعید، د طبیعي سرچینو آمر زاهب الله ارسلا، د ریاست آمرینو اوکارکوونکو شتون درلود.
د غونډې په پيل کې د پکتیا د طبیعي سرچینو آمر زاهب الله ارسلا ګډونوالو ته وینا وکړه، نوموړي اداري کارکوونکی وهڅول تر څو په ټولو چارو کې د الله ج د رالېږلی کتاب او محمدي سنتو لارښونو ته غوږ ونیسي او د اسلامي احکامو سره سم د نبي کریم ( صلی الله علیه وسلم ) پرسنتو ځانونه برابر کړ ( ږیرې پرېښودل ) او له ګډونوالو څخه وغوښتل، چې ټول دي صورت او سیرت په سنت طریقه برابر کړي، هغه دا د مشرانو امر یاد کړ او عملي کول یې هم پر ټولو دولتي کارمندانو لازم وګڼل.
ورپسې د پکتیا د کرنې، اوبو لګولو او مالدارۍ رییس مولوي عبدالرؤف سعید، کارکونکو ته وویل: "یو پر بل پوره اعتماد او باور ولری، ورځني رسمي سپارل شویو کارونوکې له یو بل سره په پوره همغږي ترسره کړۍ، او د نبوي سنتو سره سم ځانونه تنظیمول، له یو بل سره بغض حسد ( کینه ) څخه ډډه وکړئ او په خپل وخت د جماعت سره لمونځ ادا کړئ."
