سروبي کې د بېرې نیالګیو قوریه جوړه شوې
۹ غبرګولی ۱۴۰۲ه.ش
۱۰ ذو القعدة ۱۴۴۴ ه.ق
د کابل دکرنې، اوبولګولو او مالدارۍ رياست چارواکي وايي چې د لومړي ځل لپاره د کابل سروبي ولسوالی کې د بېرې ونې اېښودل کېږي، چې په همدې موخه په دې ولسوالی کې د بېرې قوره جوړه شوې، چې اوسمهال په کې د بېرې نږدې ۱۰۰۰ نیالګي روزل کېږي.
د چارواکو په خبره د سروبي بند ته څېرمه د مهمندي سيمه کې د بېرې ونې اېښودل کېږي.
د سروبي د کرنې ادارې چارواکو وويل: "دا لومړی ځل دی، چې په لویه کچه د سروبي ولسوالی کې د بېرې ځنګل جوړیږي."
يادو چارواکو له خلکو وغوښتل چې د یاد ځنګل په ساتنه او روزنه کې کرنې مدیریت سره همکار پاته شي.
