لغمان کې پر نهه زره او۸۲۰ بزګرانو د غنمو د اصلاح شويو تخمونو د وېش لړۍ پیل شو

۲۲ لړم۱۳۹۹
 دلغمان دکرنې، اوبولګولو او مالدارۍ ریاست ددې ولایت پر بزګرانو د غنمو د اصلاح شویو تخمونو د وېش لړۍ پیل کړی دی.
په دې لړۍ، کې د لغمان ولایت دمرکز په ګډون ددې ولايت د ولسوالیو  پرنهه زره او۸۲۰ بزګرانو ۴۹۱ مټريک ټنه دغنمو اصلاح شوي تخمونه وېشل کیږي، چې د چتر لاندې سيمو د غنمو په حاصلاتو کی به د پام وړ زیاتوالي راشي.
دلغمان د کرنې، اوبولګولو او مالدارۍ رييس محمدجميل خوشحال وایي، چې د۴۹۱ مټريک ټنه اصلاح شويو تخمونو له ډلې ۳۲۶ مټريک ټنه يې دکرنې وزارت، ۱۵۰ مټريک ټنه يې دملګرو ملتونو دخوړو ا کرنې ادارې (FAO) او۱۵ ټنه يې دخوړو نړيوال پروګرام (WFP) له خوا پر يادو بزګرانو وېشل کيږي.
تېرکال هم ددې ولايت پر اووه زره او ۲۰۰ بزګرانو دغنمو اصلاح شوي تخمون وېشل شوې وه چې ددې ولايت دغنمو دحاصلاتو په زياتوالي کې رغنده رول درلود.
ويل کيږي، چې اصلاح شويو تخمونو وېش، د ترچتر لاندې سيمو دغنمو حاصلات له ۲۰تر۳۰سلنه زياتوي.