د کندهار تختهپل کې د پوهنې ریاست ته ځمکه ولېږدول شوه
۲۳ سلواغه ۱۴۰۴ه.ش
۲۴ شَعبان المُعَظّم ۱۴۴۷ه.ق
د عاليقدر امیرالمؤمنین حفظهالله تعالی ورعاه د حکم له مخې، د کرنې، اوبو لګولو او مالدارۍ وزارت د اراضۍ ریاست له لوري، د کندهار د کرنې، اوبو لګولو او مالدارۍ ریاست په تخنیکي همکارۍ، د کندهار په تختهپل ولسوالی د تنګي په سیمه کې ۲ جریبه امارتي ځمکه د کندهار پوهني ریاست ته د دیني مدرسې جوړولو په موخه رسماً ولېږدول شوه.
د کندهار دکرنې ریاست د ځمکو د انتقال او وېش مدیر قاري عصمتالله فرهاد وایي، چې یاده ځمکه د ټولو قانوني او اداري مراحلو له بشپړېدو وروسته، د ګډ پلاوي په حضور کې د پوهني ریاست ته وسپارل شوه. د نوموړی په وینا، چې پر دې انتقال شوي ځمکه به د یاد ریاست له لوري د دیني علومو د زده کړي لپاره مدرسه جوړه شي.
د یادونې وړ ده، چې یوه اوونۍ وړاندې هم د عاليقدر امیرالمؤمنین حفظهالله تعالی په ځانګړي حکم، د کندهار په ژړۍ ولسوالی کې ۱۰ زره جریبه امارتي ځمکه د صنعت او سوداګرۍ ریاست ته د صنعت او سوداکرۍ ترسره کولو لپاره د صنعتي پارک جوړولو په موخه لېږدول شوې وه.
