د کندهار کښته شاولیکوټ کې د ۱۸.۵ میلیونه افغانیو په ارزښت د کندلانو چکډېم چاري ۵۰ سلنه بشپړې شوې
۱۳ سلواغه ۱۴۰۴ه.ش
۱۴ شَعبان المُعَظّم ۱۴۴۷ه.ق
د کرنې، اوبو لګولو او مالدارۍ وزارت د پراختیایي بودیجې له لارې، د کندهار د کرنې ریاست په تخنیکي همکاري د کندهار د کښته شاولیکوټ ولسوالی د کندلانو په سیمه کې د ۱۸.۵ میلیونه افغانیو په ارزښت د یوه چکډېم د جوړولو چارې پیل شوې دي، چې دا مهال یې ودانیزې چارې ۵۰ سلنه بشپړې شوې دي.
د یاد چکډېم د چارو څارنه د کندهار کرنې ریاست د مسلکي کارکوونکو له لوري ترسره شوې ده. د څارنې پر مهال انجنیر نورمحمد همکار د چکډېم ټولې چارې له نږدې دقیقي وارزولې او د کیفیت او معیار له پلوه یې هر اړخیزه کتنه وکړه.
دکندهار دکرنې ریاست انجنیر نورمحمد همکار وایي، چې یاد ستر چکډېم ته د کندهار کرنې رییس له لوري ځانګړې او جدي پاملرنه کېږي، ترڅو چارې یې په منظم، معیاري او لوړ کیفیت سره ترسره شي. د هغه په وینا، د چارو د ښه تطبیق او د کیفیت کنترول د تضمین لپاره دا مهال دوه انجنیران په سیمه کې دایمي ګمارل شوي دي، ترڅو د چکډېم د چارو ورځنی څارنه وکړي او د پروژې پرمختګ په معیاري ډول یقیني کړي.
د یادونې وړ ده، چې دا مهال د کندهار ولایت په درېیو نورو ولسوالیو کې هم د اوبو د مهار او ساتنې په موخه د چکډېمونو د جوړولو چارې روانې دي، چې له چارو یې پر وخت څارنه کېږي او په منظم ډول ارزول کېږي.
