کرنې وزارت کې د مخابراتي انتنونو د تثبیت میاشتنۍ غونډه ترسره شوه
۶ سلواغه ۱۴۰۴ه.ش
۷ شَعبان المُعَظّم ۱۴۴۷ه.ق
د مخابراتي انتنونو د تثبیت میاشتنۍ غونډه د کرنې، اوبو لګولو او مالدارۍ وزارت د کرنې او مالدارۍ مرستیال مولوي صدراعظم عثماني تر مشرۍ لاندې، د مالیې او مخابراتو وزارتونو د استازو، د اترا ادارې، د اراضۍ او د مالي برخې د کارپوهانو په حضور کې ترسره شوه.
په دې غونډه کې اړوندو کارپوهانو د هېواد په ۱۲ ولایتونو کې د ۸۴۴ مخابراتي انتنپایو (ستنو) د تثبیت د بهیر په اړه خپل راپور وړاندې کړ.
همدارنګه، په دې ناسته کې په نورو ولایتونو کې د مخابراتي انتنونو د تثبیت په اړه هم بحث وشو او د دې بهیر د لا چټکتیا او ښه تنظیم لپاره لازمې پرېکړې ونیول شوې.
