د کندهار بولدک کې د ځنګلي بوټو ناقانونه لېږد په پار څارنه وشوه
۲۵ مرغومې ۱۴۰۴ه.ش
۲۵ رَجَب المُرَجَّب ۱۴۴۷ه.ق
د کندهار د کرنې، اوبو لګولو او مالدارۍ ریاست تر رهبرۍ لاندې، د بولدک ولسوالی د کرنې او مالدارۍ مسؤلینو د امنیتي مسؤلینو سره په ګډه همکارۍ د یادې ولسوالی په بېلابېلو سیمو کې د قدرتي، ځنګلي او نیمه ځنګلي بوټو د پرېکولو او ناقانونه انتقال مخنیوي په موخه پراخ ګرځنده کمپاینونه ترسره کړل، چې د دې کمپاینونو په ترڅ کې د بولدک ولسوالی په شپږمه ناحیه کې ځنګلي بوټو د پرېکولو او ناقانونه انتقال مخه ونیول شوه.
د بولدک ولسوالی د کرنې مسؤلین زیاته کړه، چې یو تن د بولدک ولسوالی په شپږمه ناحیه کې هڅه کوله، چې ځنګلي بوټي په ناقانونه ډول خپلو استوګنځایونو ته انتقال کړي، چې د امنیتي مسؤلینو سره په ګډه همکاري پر وخت سره اقدام ترسره سو او د غیرقانوني بوټو د انتقال مخه ونیول شوه.
د کندهار دکرنې ریاست چارواکي وایی، چې خلک دې د ملي شتمنیو د زیانمن کولو څخه ډډه وکړي، او هر څوک باید د ملي شتمني په ساتنه کي خپل مسؤلیت اداء کړي. او هغه کسان چې ملي شتمني زیانمنوي او سرغړونه کوي قضایي او عدليي ارګانونو ته به و سپارل شي.
د یادونې وړ ده، چې په دې وروستیو کې د کندهار د کرنې ریاست د ملي شتمنیو ساتني او قدرتي ځنګلونو، ریګي بوټو او نباتاتو د ناقانونه انتقال په موخه ګرځنده کمپاینونه زیات کړي دي.
