د هلمند دکرنې رئیس د چرګانو پالنې ټولنې له چارواکو سره وکتل
۲۰ مرغومې ۱۴۰۴ه.ش
۲۰ رَجَب المُرَجَّب ۱۴۴۷ه.ق
د هلمند د کرنې، اوبولګولو او مالدارۍ رییس مولوي شیراحمد رفیع، په داسې حال کې، چې د یاد ریاست د مالدارۍ آمر هدایتالله هدایت او د کرنې ریاست سلاکار انجینر اسدالله یې ملتیا کوله ددې ولایت پالنې ټولنې له چارواکو سره وکتل.
په دې غونډه کې د هلمند د کرنې، اوبولګولو او مالدارۍ رییس وویل، چې د کرنې ریاست دروازه د ټولو هلمندي ولسونو پر مخ پرانېستې ده. نوموړي زیاته کړه: «زه دلته د ولس خادم یم او د اصولو په چوکاټ کې به د دې خلکو خدمت کوم»، او د هر ډول همکارۍ ډاډ یې ورکړ.
د چرګانو پالنې د ټولنې چارواکو هم د هلمند د کرنې رییس له نیکو څرګندونو مننه وکړه او د ټولنې پر منظم فعالیت ټینګار وکړ او ویې ویل، چې ټولنه باید د ټولو قوانینو او اصولو په رڼا کې خپلې ورځنۍ چارې پر مخ یوسي. نوموړي همداراز زیاته کړه، چې موږ او تاسو به په ګډه کار کوو تر څو عملي او چټک ګامونه پورته کړو.
د ټولنې چاراوکو د چرګانو د سکتور پر وړاندې شته ستونزې او خنډونه یاد کړل، چې په ځواب کې د کرنې رییس د یادو ستونزو د حل لپاره نیکې مشورې ورکړې او ډاډ یې څرګند کړ چې دا ډول غونډې به په دوامداره توګه ترسره کېږي، تر څو ستونزو ته پر وخت رسېدنه وشي.
