د بلخ دکرنې ریاست: بلخ ولسوالی کې د څارويو لپاره د چيچک واکسين تطبيق پيلېږي
۱۲ زمری ۱۴۰۴ هـ.ش
۹ صَفَر المُظَفَّر ۱۴۴۷ هـ.ق
د بلخ دکرنې، اوبولګولو او مالدارۍ ریاست چارواکي وايي، چې د اکټېډ دفتر په همکارۍ به د بلخ ولسوالی په کچه د څارويو د روغتیايي وضعیت د ښهوالي او د ساري ناروغیو د مخنیوي په موخه د چيچک واکسین تطبیق ترسره شي.
د معلوماتو له مخې، د دې کمپاین په ترڅ کې به نږدې ۱۲ زره ډوزه واکسین پر څارويو تطبیق شي، څو د چيچک ناروغۍ د خپرېدو مخه ونیول شي او د مالدارو اقتصادي زیانونه کم شي.
چارواکي زیاتوي، چې دا واکسین به په هغو سیمو کې تطبیق شي، چې پخوا د دغې ناروغۍ پېښې پکې لیدل شوې وې او د څارويو د خوندیتوب لپاره اړینه ده.
د بلخ د کرنې ریاست د څارویو د څانګې متخصصین له مالدارو غوښتنه کوي، چې د خپلو څارويو واکسین ته زمینه برابره کړي او د عامه روغتیايي سپارښتنو څخه پیروي وکړي.
